Mashal

Mashal / מָשַׁל / மாஷல் என்பது எபிரேய வார்த்தையாகும். இது திருமறையில் ஆதியாகமம் புத்தக வசனங்களில் இடம் பெறுகிறது.

திருமறையில் Cain / קַיִן / காயின் மற்றும் Abel / הָבֶל / ஹாவெல் பகுதி என்ன செய்தியை சொல்கிறது? இவற்றில் எங்ஙனம் இயேசு கிறிஸ்து பொருந்துகிறார் என்பதைப் பற்றியே இப்பதிவு.

ஆதியாகமம் 4ஆம் அத்தியாயத்தில் காயினும் ஹாவெலும் தங்கள் வயல்களிலிருந்தும் மந்தைகளிலிருந்தும் கர்த்தருக்குப் பலிகளைக் கொண்டுவந்ததைக் காண்கிறோம். ஹாவெல் கொண்டு வந்த மிருக பலி கர்த்தருடைய பார்வைக்கு பிரியமானதாக இருந்தது, ஆனால் காயினின் காணிக்கை அவ்வாறு இல்லை. வசனம் 5 இதை நமக்கு விளக்குகிறது:

காயீனையும் அவன் காணிக்கையையும் அவர் அங்கிகரிக்கவில்லை. அப்பொழுது காயீனுக்கு மிகவும் எரிச்சல் உண்டாகி, அவன் முகநாடி வேறுபட்டது. – ஆதியாகமம் 4:5

கர்த்தர் காயினின் கோபத்திற்கு வசனங்கள் 6 மற்றும் 7 இல் இந்தபடியாக  பதிலளித்தார்:

அப்பொழுது கர்த்தர் காயீனை நோக்கி: உனக்கு ஏன் எரிச்சல் உண்டாயிற்று? உன் முகநாடி ஏன் வேறுபட்டது? நீ நன்மைசெய்தால் மேன்மை இல்லையோ? நீ நன்மைசெய்யாதிருந்தால் பாவம் வாசற்படியில் படுத்திருக்கும்; அவன் ஆசை உன்னைப் பற்றியிருக்கும், நீ அவனை ஆண்டுகொள்ளுவாய் என்றார். – ஆதியாகமம் 4:6-7

ஆண்டு, ஆட்சி, ஆளுகை என்ற சொல் Mashal / מָשַׁל / மாஷல் என்கிற எபிரேய வார்த்தையாகும், இது அவன் ஆட்சி செய்தான் அல்லது ஆதிக்கம் செலுத்தினான் அல்லது ஆளுகை செய்தல் என்கிற பொருளைக் கொண்டுள்ளது. காயின் ஆளுமை செய்யும் அதிகாரத்தை நிரூபிப்பவராக இருப்பாரா?

இங்கே ஒரு கண்கவர் படம் கர்த்தரால் நமக்காகக் காட்டப்பட்டுள்ளது. காயினை, பாவமானது அவரை அறியாமல் தாக்கும் அபாயம் இருந்தது என்பதை naphal / נָפַל / நாஃபல் – நெடுஞ்சாண்கிடையாக படுத்திருத்தல் என்று பொருள் தரும் வார்த்தை மூலம் சொல்லப்பட்டுள்ளது. இந்த எபிரேய வார்த்தை மூலம் பாவம் என்பது நான்கு கால்கள் கொண்ட விலங்கு போல் குனிந்து கால்களை மடித்து, ஒரு எதிர்பாராத தாக்குதலுக்கு எப்போது வேண்டுமானாலும் பாய தயார் நிலையில் உள்ளது என்கிற செய்தி உணர்த்தப்படுகிறது.

காயின் தனக்காகக் காத்திருக்கும் பாவத்தை ஆள வேண்டும் என்று கர்த்தர் விளக்குகிறார் அல்லது அதற்குப் பதிலாக பாவம் அவனை ஆளும் என்பது இதன் உட்பொருள். காயின் பாவத்தின் மீது தனது ஆட்சியை எவ்வாறு செயல்படுத்த வேண்டும்? அதற்கு மாஷல் என்ற சொல்லுக்கான எழுத்துகளின் பண்டைய சித்திரங்களின் உள்ளடக்கத்தை நாம் ஆராய வேண்டும், ஆங்கிலத்தில் இதனையே Word Picture என்பர்.  מ / மேம்,  שׁ / ஷீன்,  ל / லாமெட் – מָשַׁל / மாஷல் என்று உச்சரிக்கப்படுகிறது.

மேம் என்பது வெள்ளம் போன்ற குழப்பமான மற்றும் அழிவுகரமான அல்லது பாலைவனத்தில் ஒரு நீரோடை போன்ற மென்மையான உயிரைக் கொண்டுவரும் நீரின் படம். உயிர் வாழ உதவும் தண்ணீர் அல்லது தேவனுடைய வார்த்தையே உயிரைக் கொண்டுவருகிறது.

ஷீன் என்பது பற்களின் படம் மற்றும் உட்கொள்வது, அழுத்துவது அல்லது அழிப்பது மற்றும் கடவுள் தன்னை அடையாளம் காண பயன்படுத்தும் ஒரே எழுத்து.

லாமெட் என்பது மேய்ப்பனின் கோல் அல்லது தடியின் படம் மற்றும் கட்டுப்படுத்த, அதிகாரம் அல்லது அதிகாரத்தின் குரல்.

மாஷல் அல்லது ஆட்சி, ஆண்டு என்ற வார்த்தையைப் பற்றி இந்த படத்தொகுப்புகள் நமக்கு என்ன சொல்கின்றன? அவைகள் நம்மை இறுதியாக முடிவாக நம்மை ஆள்பவரிடம் வழிநடத்துகிறதா?

ஆம்! இந்த மூன்று எழுத்துகளின் உள்ளடக்கத்தை சுருக்கமாகச் சொன்னால்,

தேவன் அதிகாரத்தின் குரலாக அடையாளப்படுத்தப்படுகிறார், அவருடைய வார்த்தையின் மூலம் உயிரைக் கொண்டுவருகிறார்.

காயின் எங்கே தவறு செய்தார் என்பதை இப்போது பார்க்கலாம். கர்த்தர் சொன்னதை நினைவில் கொள்ளுங்கள்:

நீ நன்மைசெய்தால் மேன்மை இல்லையோ? நீ நன்மைசெய்யாதிருந்தால் பாவம் வாசற்படியில் படுத்திருக்கும்… – ஆதியாகமம் 4:7

காயினின் இதயம் எங்கே இருந்தது? கடவுளுடைய அறிவுரைகளுக்குக் கீழ்ப்படிய வேண்டும் என்பது அவனுடைய இருதயத்தின் ஆசையா? அநேகமாக இல்லை, ஏனென்றால் வசனம் 8 இன் அடுத்த வசனத்தில் நமக்கு இவ்வாறு கூறப்பட்டுள்ளது:

காயீன் தன் சகோதரனாகிய ஆபேலோடே பேசினான்; அவர்கள் வயல்வெளியில் இருக்கும் சமயத்தில், காயீன் தன் சகோதரனாகிய ஆபேலுக்கு விரோதமாய் எழும்பி, அவனைக் கொலைசெய்தான். ஆதியாகமம் 4:8

காயின் கர்த்தருடைய ஆட்சிக்கு அடிபணியாமல் இருந்ததால், அவனுக்காகக் காத்திருந்த பாவத்திற்கு அவன் பலியாகி, அதற்குப் பதிலாக அதன் ஆட்சியின் கீழ் விழுந்தான். சங்கீதம் 19வது வசனம் 13இல் தாவீட் இந்த சூழ்நிலைக்கு எதிராக எச்சரிக்கிறார்:

துணிகரமான பாவங்களுக்கும் உமது அடியேனை விலக்கிக்காரும்; அவைகள் என்னை ஆண்டுகொள்ள ஒட்டாதிரும்; அப்பொழுது நான் உத்தமனாகி, பெரும்பாதகத்துக்கு நீங்கலாயிருப்பேன் – சங்கீதம் 19:13

ஆதிக்கம் என்று மொழிபெயர்க்கப்பட்ட வார்த்தையாக மீண்டும் மாஷல் எபிரேய வார்த்தையே உள்ளது. தாவீது கர்த்தரிடம் ஜெபித்து, பாவம் தன்மீது ஆதிக்கம் செலுத்துவதைத் தடுக்க கர்த்தரின் ஆளுகையின் கீழ் வருகிறார்! காயின் செய்த அதே தவறை தாவீது செய்ய விரும்பவில்லை.

மாஷல் – இச்சொல் நம்மை கர்த்தரிடம் வழிநடத்துகிறதா?

கடவுள் தம்முடைய பிள்ளைகளுக்காக நியமித்த நேரத்தில், பாவத்திலிருந்து இயேசு கிறிஸ்துவின் இரத்த தியாகத்தின் மூலம் விடுதலை பெற முடியும். அவர் மட்டும் தான் மனிதனை ஆளுகை செய்ய வேண்டும்.

அப்போஸ்தலர் பவுல் எபேசுவில் உள்ள தேவாலயத்திற்கு எழுதிய கடிதத்தில் மேசியாவின் வேலையைச் சுருக்கமாகக் கூறினார். இந்தக் கடிதத்தின் 1ஆம் அதிகாரம் 7ஆம் வசனத்தில் பவுல் இயேசுவைப் பற்றி இவ்வாறு எழுதினார்:

அவருடைய கிருபையின் ஐசுவரியத்தின்படியே இவருடைய இரத்தத்தினாலே பாவமன்னிப்பாகிய மீட்பு இவருக்குள் நமக்கு உண்டாயிருக்கிறது. – எபேசியர் 1:7

மாஷல் என்ற சொல்லில் இறுதியாகக் கவனிக்க வேண்டிய ஒன்று உள்ளது. இது மருவி மற்றும் Proverbs / מִשְׁלֵי / மிஷ்லே என்ற உச்சரிப்பைக் கொண்ட ஒரு வார்த்தையாக ஒத்திசைவைக் கொண்டுள்ளது, ஆனால் இது நீதிமொழிகள் என்று மொழிபெயர்க்கப்பட்டுள்ளது. இந்த வரையறை ஆட்சி செய்வதற்கும் ஆதிக்கத்திற்குள் எடுப்பதற்கும் தொடர்பில்லாததாகத் தெரிகிறது, ஆனால் அது உண்மையா?

வேதத்தில் உள்ள நீதிமொழிகளின் ஞானத்தின் ஆட்சி மற்றும் அதிகாரத்திற்கு அடிபணிவது என்பது, பாவத்தின் அடிமைத்தனத்திலிருந்தும் ஆட்சியிலிருந்தும் துல்லியமாக நம்மை விலக்கி அழைத்துச் செல்கிறது என்பதைக் கவனியுங்கள். பாவத்தின் மீதான வெற்றியை அளிக்கும் தேவனுடைய சபை இன்னும் அவருடைய வார்த்தையில் நம் ஒவ்வொருவருக்கும் அருளப்பட்டிருக்கிறது.

உங்கள் வாழ்க்கையில் யார் ‘மாஷல்‘ அல்லது ஆட்சி செய்வார்? நீங்கள் தொடர்ந்து பாவத்திற்கு அடிமையாகி, அது உங்கள் எஜமானராக திகழ  அனுமதிப்பீர்களா? அல்லது சிலுவையில் கிறிஸ்து தம்முடைய இரத்த பலியில் வழங்கிய சுதந்திரத்தை நீங்கள் அனுபவித்து வருவதன், நன்றிக் கடனாக அவரை ஆள அனுமதிப்பீர்களா?